Komisioni për Mbikëqyrjen e Punës së Agjencisë për Sigurinë Nacionale (ASN) dhe të Agjencisë së Zbulimit, i cili ishte paraparë të mbahej më 5 shtator, është shtyrë dhe do të zhvillohet të mërkurën, më 10 shtator 2025, në ora 17:00.
Nga Kuvendi njoftojnë se vendimi është marrë pas marrëveshjes së grupeve parlamentare përmes një takimi koordinues. Po atë ditë është planifikuar edhe një vizitë mbikëqyrëse në hapësirat e ASK-së.
“Ju njoftojmë se Komisioni për Mbikëqyrjen e Punës së Agjencisë për Sigurinë Nacionale dhe të Agjencisë së Zbulimit, i cili fillimisht ishte caktuar për me 5 shtator 2025 me fillim në ora 17:00, me marrëveshje të grupeve parlamentare përmes një takimi koordinues do të mbahet të mërkurën, më 10 shtator 2025.
Njëkohësisht, për të njëjtën ditë është parashikuar edhe një vizitë mbikëqyrëse në hapësirat e Agjencisë për Siguri Nacionale.
Ky vendim është në funksion të ruajtjes së dinjitetit dhe integritetit të Kuvendit dhe si rezultat i kulturës politike dhe debatit të hapur ndërmjet të gjithë përfaqësuesve në Kuvend. Me këtë konfirmohet përkushtimin ndaj transparencës, përgjegjësisë dhe avancimit të proceseve demokratike në interes të qytetarëve.
