Një çift në SHBA akuzohet për vrasjen brutale të vajzës së tyre dhe foshnjës së saj të palindur.
Sipas Daily Mirror, viktima është Rebecca Park, e cila dyshohet se u vra nga nëna e saj 40-vjeçare dhe njerku i saj 47-vjeçar. Raportohet se Park ishte rreth një javë larg lindjes së fëmijës së saj. Më 3 nëntor, ajo kishte vizituar shtëpinë e prindërve të saj, ndërsa një ditë më vonë familjarët e saj e raportuan të zhdukur në polici. Një dëshmitar okular deklaroi se ditën e zhdukjes e kishte parë Rebekën duke hipur në një automjet.
The mother of pregnant 22-year-old Rebecca Park allegedly confessed to cutting the unborn baby from Park’s womb while she was still conscious, then watching her husband allegedly slit Park’s throat. Read the full story at the link in our bio or at https://t.co/tJdZDTFln5. pic.twitter.com/HF1j8rTRM6
— True Crime News (@MyTrueCrimeNews) December 12, 2025
⚠️ WARNING: This post describes murder, torture, & fetal abduction
The biological mother and stepfather of Rebecca Park, 22, who was 39 weeks pregnant, have been arrested & charged with her murder after her body was found in Huron Manistee National Forest. Cortney Bartholomew,… pic.twitter.com/CKJfN6231w
— True Crime Updates (@TrueCrimeUpdat) December 3, 2025
Pas një hetimi nga autoritetet në një park kombëtar pranë Liqenit Michigan, trupi i saj u gjet, por sipas autopsisë, ajo nuk ishte më shtatzënë.
Dyshimet u përqendruan menjëherë te nëna e viktimës, Courtney Bartholomew, në automjetin e së cilës Rebecca ishte parë të hipte pak para zhdukjes. Më pas, si Courtney ashtu edhe bashkëshorti i saj, Timothy Bartholomew, u arrestuan si të dyshuar për vrasje.
“Ajo është personifikimi i së keqes”, i tha gjykatës prokurorja e çështjes, duke shtuar se çifti jo vetëm që vrau Rebekën, por edhe i nxori me bisturi foshnjën e palindur nga barku.
Sipas prokurores, 47-vjeçari e çoi Rebekën në shtëpinë e tyre dhe, së bashku me gruan e tij, e detyruan të hipte në një automjet tjetër. Ata e çuan në një zonë pyjore, ku e goditën me thikë, e detyruan të shtrihej përdhe dhe i prenë foshnjën nga barku, duke shkaktuar vdekjen e saj dhe të foshnjës. Trupi u la më pas në pyll.
Fillimisht, Courtney mohoi për javë të tëra çdo përfshirje në vrasje. Megjithatë, ajo dyshohet se e ndryshoi dëshminë kur hetuesit i treguan se të dhënat telefonike e vendosnin në vendin ku u gjet trupi natën e krimit. Gjatë marrjes së dytë në pyetje, ajo thuhet se pranoi se kishte nxjerrë fetusin nga barku i vajzës me një bisturi.
Courtney u tha hetuesve se qëllimi i saj ishte ta shpëtonte foshnjën dhe t’ia jepte të fejuarit të Rebekës, Richard Lee Falor, por sipas saj, foshnja nuk po merrte frymë pasi u nxor.
Në deklaratën e saj, ajo pretendoi se ishte bashkëshorti i saj ai që e vrau Rebekën, duke e detyruar të hipte në makinë dhe duke e goditur disa herë me thikë. Sipas saj, në momentin e nxjerrjes së foshnjës, Rebecca ishte ende e vetëdijshme, ndërsa ai i mbante thikën në fyt.
Courtney deklaroi se trupi i Rebekës u shty poshtë një argjinature dhe u mbulua me gjethe, ndërsa fetusi u vendos fillimisht në frigorifer, më pas në një qese mbeturinash dhe u hodh në një kosh plehrash.
Nga ana tjetër, bashkëshorti i saj pretendoi se krimi ishte planifikuar nga Courtney, e cila sipas tij ishte e motivuar nga dëshira për të pasur më shumë fëmijë, pasi ata nuk mund të adoptonin për shkak se ai ishte i regjistruar si shkelës seksual.
Në një zhvillim edhe më tronditës, u zbulua se viktima, nëna dhe motra e saj dyshohet se kishin lidhje me të njëjtin burrë – të fejuarin e Rebekës, Richard Lee Falor.
Po ashtu, Courtney dyshohet se u ka thënë autoriteteve se bashkëshorti i saj ishte babai i foshnjës. “Brad tha se ishte e tija”, citohet t’u ketë thënë ajo oficerëve, sipas dokumenteve hetimore.
Top Channel
Burimi: top channel
