Kryetari aktual i Komunës së Bërvenicës dhe njëkohësisht kandidat i VMRO-DPMNE-së për këtë komunë, Jovica Ilievski, sot priti me nder të veçantë ministrin e Transportit dhe Lidhjeve, Vlado Misajllovski.
Ilievski falënderoi ministrin për mbështetjen dhe interesimin e treguar për projektet që po realizohen në Bërvenicë në bashkëpunim me institucionet qendrore.
“Për mua është kënaqësi e madhe që sot në Bërvenicë mirëpritëm ministrin Vlado Misajllovski. Mbështetja e tij është garanci se projektet që i kemi nisur do të përfundojnë me sukses, ndërsa do të nisim edhe shumë iniciativa të reja për zhvillimin e komunës sonë”, u shpreh Ilievski.
Në kuadër të vizitës, u zhvillua edhe një takim pune me Komitetin Komunal të VMRO-DPMNE-së në Bërvenicë, ku u diskutua për hapat e ardhshëm dhe aktivitetet që do të ndërmerren gjatë periudhës së ardhshme.
“Vazhdojmë së bashku, me përkushtim dhe vizion të qartë, për të ndërtuar një Bërvenicë më të bukur dhe më të fortë”, theksoi Ilievski.
https://www.facebook.com/share/p/1CxJxrjMkk/
