Kryetari i Këshillit të Komunës së Çairit nga radhët e VLEN-it, Jetmir Asani, ka reaguar ashpër ndaj kandidatit të BDI-së për kryetar të Çairit, Bujar Osmani, duke e akuzuar këtë të fundit për mungesë të plotë kreativiteti dhe kopjim të projekteve që tashmë janë duke u realizuar nga ekipi aktual në komunë.
Asani vuri në pah se ndërkohë që VLEN tashmë ka nisur Javën Kulturore Doku n’Çarshi që mbahet nga 3 deri më 10 shtator, Osmani del me të njëjtin emër aktiviteti duke premtuar se do ta realizojë vetëm ‘pasi të zgjidhet’ kryetar.
‘O Bujar, pak kreativitet s’kishte me të prish punë… nuk është zor me gjet ide origjinale, jo veç me kopju secilin sen’, thekson Asani, duke ironizuar hapur kandidatin e BDI-së. Dikush e hap rrugën, dikush e ndjek. Dikush e përcjell stafetën, dikush e mban,” ka shkruar Asani.
