Jennifer Lopez, tashmë 56 vjeç, vazhdon të jetë në qendër të vëmendjes — këtë herë për dy arsye të mëdha: një ndarje nga shtëpia e saj diskografike dhe një performancë magjepsëse në Turqi, pjesë e turneut të saj global.
Sipas burimeve të afërta me yllin latino, Lopez ka përfunduar bashkëpunimin me shtëpinë diskografike me të cilën kishte publikuar projektet e fundit muzikore.
Megjithëse asnjëra palë nuk ka dhënë ende një deklaratë zyrtare, lajmi ka shkaktuar reagime të shumta në industrinë e muzikës, duke ngritur pikëpyetje për drejtimin artistik që do të ndjekë diva në vazhdim.
Por J.Lo nuk duket aspak e ndikuar nga këto zhvillime. Në një koncert të mbajtur mbrëmë në Stamboll, këngëtarja electrizoi skenën me një performancë provokuese dhe plot energji, duke dëshmuar se mosha është thjesht një numër për të. Veshja e saj glamuroze dhe koreografia dinamike e bënë shfaqjen një nga më të komentuarat e turneut deri më tani.
Fansat në rrjetet sociale kanë shpërndarë pamje nga koncerti, duke e quajtur atë një “mbretëreshë të pavdekshme të skenës”, ndërsa të tjerë spekulojnë se ndarja nga label-i mund të sinjalizojë një kapitull të ri — ndoshta më të pavarur dhe eksperimental — në karrierën e saj.
Jennifer Lopez, si gjithmonë, di si ta mbajë botën të intriguar.
Burimi: botasot.info
