Kryetari i Partisë Demokratike, Sali Berisha ka reaguar ashpër ndaj vonesave të Gjykatës Kushtetuese lidhur me çështjen e Belinda Ballukut, për të cilën nuk ka ende një vendim sa i përket pezullimit të saj nga detyra nga GJKKO, duke e cilësuar këtë si një shembull të pa precedent të vetëposhtërimit të gjyqtarëve.
“Njerëz të shkolluar, të shëtitur nëpër botë, që mund të kenë përfunduar jashtë dhe të jenë kthyer, shndërrohen në larva njerëzore. Dhe, bëhet strofulla e fundit e atyre që ju kanë vjedhur ju”, tha Berisha.
Ai shtoi se gjyqtarët mblidhen, diskutojnë, por nuk marrin vendime konkrete, madje sipas tij, disa largohen pa përfunduar diskutimet.
Berisha: Mënyra e vetëposhtërimit të gjykatësve të Gjykatës Kushtetuese është e pashembullt në historinë e një shteti. Njerëz të shkolluar, të shëtitur nëpër botë, që mund të kenë përfunduar jashtë dhe të jenë kthyer, shndërrohen në larva njerëzore.
Dhe, bëhet strofulla e fundit e atyre që ju kanë vjedhur ju, që lanë të sëmurët pa ilaçe në spitale, atyre që përzënë të rinjtë nga Shqipëria dhe mblidhen, njëri thotë kështu, tjetri kështu.
Mblidhen për së dyti, njëri ja mbath, thotë nuk kam kohë, ikën sepse i nxjerrin videot e horit nga Oltion Bistri të regjistruara nga Lubia. Ky është vetëm një aspekt.
Burimi: botasot.info
