Izraeli lë të kuptohet se është duke u përgatitur ta njohë Somalilandin

Donald Trump ka lënë të kuptohet se nuk është ende i përgatitur ta njohë plotësisht Somalilandin, shkrua metro.co.uk.

Të premten, Izraeli njoftoi për t’u bërë shteti i parë që mbështeti zyrtarisht republikën e shkëputur.

Somalilandi ndodhet në Bririn e Afrikës dhe ndan kufijtë me Xhibutin në veri, Etiopinë në jug dhe perëndim, dhe Somalinë, nga e cila është shkëputur, në lindje.

Kryeministri izraelit Benjamin Netanyahu u zotua ta ngrinte temën gjatë takimit të tij të planifikuar me presidentin e SHBA-së të hënën.

Megjithatë, New York Post raportoi se Trump nuk ishte i interesuar ta njihte shtetin me shumicë myslimane.

“A e di ndokush se çfarë është Somalilandi, në të vërtetë”, citohet të ketë pyetur ai në fushën e tij të golfit në West Palm Beach.

Somalilandi, një ish-protektorat britanik, është ofruar t’i bashkohet Marrëveshjeve të Abrahamit, të cilat përfshijnë kombet arabe që kanë normalizuar marrëdhëniet me Izraelin.

Ai ka mbajtur me sukses zgjedhje demokratike dhe shihet si një entitet i qëndrueshëm, në kontrast me Somalinë e paqëndrueshme.

Ai gjithashtu ka ofruar tokë për një bazë të mundshme detare amerikane në Gjirin e Adenit në Detin e Kuq.

Megjithatë, Trump dukej se i shpërfillte kryesisht të dy sugjerimet. Ai tha, “gjë e madhe” dhe shtoi se të gjitha propozimet ishin “nën studim”.

“Unë studioj shumë gjëra dhe gjithmonë marr vendime të shkëlqyera dhe ato rezultojnë të sakta”, tha ai.

Presidenti sugjeroi më tej se bisedimet e tij me Netanyahun do të dominoheshin nga situata në Rripin e Gazës dhe jo nga çështje të tjera.

Ndër mbështetësit amerikanë të Somalilandit është edhe kongresisti besnik i Trumpit, Scott Perry, i cili ka paraqitur një akt për të njohur kombin.

Një ish-protektorat britanik, Somalilandi fitoi pavarësinë de facto nga fqinji i tij i shkatërruar nga lufta civile në vitin 1991.

Ndërsa gëzon marrëdhënie të forta me Etiopinë fqinje dhe disa vende arabe, përfshirë Emiratet e Bashkuara Arabe, vende të tjera në rajon mbështesin pavarësinë e saj, përfshirë Egjiptin dhe Turqinë.