Zëvendëskryeministri i parë dhe ministër i Ambientit Jetësor dhe Planifikimit Hapësinor, Izet Mexhiti, ka shprehur urimet e tij për Dimal Bashën, i cili është zgjedhur sot Kryetar i Kuvendit të Republikës së Kosovës.
Në urimin e tij, Mexhiti ka theksuar rëndësinë e këtij pozicioni për demokracinë dhe të ardhmen e vendit, duke i dëshiruar suksese në detyrën e re.
“I nderuar z. Dimal Basha, urime për zgjedhjen tuaj si Kryetar i Kuvendit të Kosovës! Ju uroj shumë sukses në këtë detyrë të rëndësishme, punë të mbarë dhe rezultate të prekshme në shërbim të qytetarëve të Kosovës,” ka shkruar Mexhiti.
Ky mesazh përgëzimi i zëvendëskryeministrit të parë, Izet Mexhiti është shprehje e mbështetjes së ndërsjellë ndërmjet shqiptarëve në Maqedoninë e Veriut dhe Kosovës, duke dëshmuar se suksesi i njërit është gjithmonë krenari dhe gëzim për të gjithë kombin.
