Zëvendëskryeministri i parë, Izet Mexhiti, ka zhvilluar sot një takim me Shoqatën e Pensionistëve të Çairit, ku theksoi se pensionistët nuk kanë nevojë për mëshirë, por për dinjitet dhe respekt të merituar. Ai kujtoi se kjo kategori është themeli mbi të cilin është ndërtuar vendi, përmes mundit, sakrificës dhe përkushtimit të tyre ndër vite.
“Vetëm brenda një viti kemi arritur që pensionet të rriten me 7.000 denarë, një hap konkret drejt rikthimit të dinjitetit të humbur,” ka thënë Mexhiti, duke shtuar se kjo është vetëm pika e nisjes.
Ai u zotua se do të vazhdojnë investimet në kujdesin shëndetësor, mirëqenie dhe infrastrukturë për gjeneratën që i dha kaq shumë vendit.
“Politika nuk duhet të jetë instrument i harresës, por mjet për drejtësi dhe dinjitet,” përfundoi Mexhiti.
