Zëvendëskryeministri i parë dhe ministër i Ambientit Jetësor dhe Planifikimit Hapësinor, Izet Mexhiti ka dhënë një mesazh të fuqishëm nga zemra e Sllupçanit dhe Likovës, duke i cilësuar këto treva si simbole të qëndresës, dinjitetit dhe tashmë të ndryshimit të madh që po vjen.
“Sllupçani dhe Likova janë flakadanët e pashuar të ndryshimit, vendet ku rilindi dinjiteti i shqiptarëve dhe ku sot po nis epoka e fitores së madhe”, ka thënë Mexhiti gjatë vizitës së tij në Komunën e Likovës, ku u shoqërua nga Bilalli, Zeka dhe Arbeni.
Ai takoi kandidatin e koalicionit VLEN për kryetar komune, profesor Nexhmedin Sadiku, të cilin e vlerësoi si njeri me integritet, vizion dhe përkushtim të palëkundur ndaj qytetarëve.
“Profesor Sadiku është kandidati i duhur për Likovën. Ai do të menaxhojë me efikasitet, do të realizojë projekte konkrete dhe do të shërbejë qytetarët me ndershmëri e transparencë. Nga këtu nis fitorja jonë, nga këtu lind ndryshimi që VLEN për çdo qytetar,” ka thënë më tej Mexhiti.
Me këtë mesazh, Mexhiti u shpreh i bindur se Likova dhe Sllupçani do të jenë zemra e fitores së ardhshme, duke hapur një kapitull të ri zhvillimi dhe perspektivë për gjithë rajonin.
