Zëvendëskryeministri i parë dhe ministër i Ambientit Jetësor, Izet Mexhiti ka bërë të ditur se Qeveria ka siguruar mjetet financiare për rikonstruksionin e plotë të rrugës, nga udhëkryqi te “LPK-ja” e deri tek parkingu i kompleksit “Çairçanja”.

Sipas Mexhitit, ky investim do të lehtësojë qarkullimin, do të përmirësojë infrastrukturën dhe do të rrisë ndjeshëm cilësinë e jetës për banorët e kësaj zone.

“Jam pranë jush për të siguruar që çdo nevojë e qytetarëve të shndërrohet në rezultate konkrete. Ky është vetëm fillimi, Çairi ka nevojë dhe meriton më shumë, dhe së bashku do ta bëjmë realitet. Me vepra, jo fjalë. Me qytetarët, për qytetarët,” ka thënë Mexhiti.

Ky projekt konsiderohet një hap i rëndësishëm drejt modernizimit të infrastrukturës në Çair dhe një dëshmi e angazhimit të zëvrndëskryeministrit të parë Izet Mexhiti për të qenë pranë qytetarëve me punë konkrete.