Iu gjetën 48 kuti me lëndë piroteknike për shitje, procedohet penalisht 43-vjeçarja në Maliq

Një 43-vjeçare në Maliq është proceduar penalisht pasi në marketin e saj u gjetën 48 kuti me lëndë piroteknike për shitje.

Në prag të festave të fundvitit, shërbimet e Komisariatit të Policisë Maliq kanë intensifikuar kontrollet për ndalimin e tregtimit të kundërligjshëm të lëndëve piroteknike nga subjekte të paautorizuara.

Si rezultat i kontrolleve, u konstatua një market, në të cilin mbaheshin në mënyrë të paligjshme sasi lëndësh piroteknike, me qëllim shitjen e tyre.

Në vijim të veprimeve procedurale, u referuan materialet në Prokurori, ku nisi procedimi penal për pronaren e marketit që i tregtonte konkretisht:

M., 43 vjeçe, banuese në Maliq, pasi në marketin e saj u gjetën 48 kuti me lëndë piroteknike (2899 kapsolla), të cilat u sekuestruan në cilësinë e provës materiale.

Materialet procedurale iu referuan Prokurorisë së Korçës, për veprime të mëtejshme.