Senati italian ka miratuar të mërkurën një ligj që mundëson rikthimin e energjisë bërthamore në vend, gati katër dekada pasi katastrofa e Çernobilit ndikoi në braktisjen e programit bërthamor të Italisë.
Ligji u miratua me 81 vota pro, 51 kundër dhe shtatë abstenime, shkruan ap.
Për qeverinë e kryeministres Giorgia Meloni, ky është një hap i rëndësishëm drejt forcimit të sigurisë energjetike dhe përmbushjes së objektivave klimatike.
Ligji, i miratuar më herët edhe nga Dhoma e Deputetëve, krijon kuadrin ligjor për teknologjitë e reja bërthamore.
Qeveria do të ketë tani 12 muaj kohë për të nxjerrë rregulloret zbatuese, të cilat do të përcaktojnë procedurat për licencimin e reaktorëve, standardet e sigurisë, menaxhimin e mbetjeve radioaktive dhe kriteret për përzgjedhjen e lokacioneve të ardhshme.
Me këtë vendim, Italia nis rikthimin te energjia bërthamore, të cilën qytetarët e kishin refuzuar në dy referendume, pas katastrofës së Çernobilit në vitin 1986 dhe aksidentit në Fukushima në vitin 2011.
Burimi: botasot.info
