Ishte pjesëtar i grupeve kriminale që trafikonin drogë nga Shqipëria në Europë, ekstradohet nga Italia 39-vjeçari shqiptar

Interpol Tirana bën me dije se shtetasi Emri Hysenaj, 39-vjeç akuzohet se gjatë vitit 2021 ka trafikuar lëndë narkotike nga Shqipëria, në shtete të Europës, për llogari të grupit kriminal në të cilin bënte pjesë.

Në muajin prill të këtij viti për 39-vjeçarin, GjKKO-ja kishte caktuar masën e sigurisë “Arrest në burg”, për veprën penale “Trafikimi i lëndëve narkotike”.

Njoftimi i Interpol Tirana:

Ekstradohet nga Italia, një tjetër pjesëtar i grupeve kriminale të implikuara në trafikimin e lëndëve narkotike, nga Shqipëria në Europë.

Si rezultat i bashkëpunimit shumë të ngushtë ndërmjet specialistëve të Drejtorisë së Interpolit, me homologët e Interpol Romës, u finalizua procedura për ekstradimin nga Italia, në Shqipëri, të shtetasit shqiptar, të shpallur në kërkim ndërkombëtar, E. H., 39 vjeç.

Në muajin prill, 2025, GjKKO-ja i ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të grupit të strukturuar kriminal.

39-vjeçari akuzohet se gjatë vitit 2021, ka trafikuar lëndë narkotike, nga Shqipëria, në shtete të Europës, për llogari të grupit kriminal në të cilin bënte pjesë.

Top Channel