Thashethemet për një histori dashurie mes balerinës shqiptare Franceska Nuredini dhe këngëtares italiane Elodie po forcohen gjithnjë e më shumë, pas postimeve të fundit në rrjetet sociale që kanë ndezur interesin e fansave.
Fotot e publikuara nga Elodie, ku ajo shfaqet pranë 23-vjeçares në momente intime dhe relaksuese, veçanërisht ato në pishinë, janë interpretuar nga publiku si një konfirmim jozyrtar i marrëdhënies së tyre.
Imazhet, disa prej tyre provokuese, u bënë virale brenda pak orësh. Edhe pse asnjëra prej tyre nuk ka bërë një deklaratë të qartë publike, afrimiteti i dukshëm ka nxitur reagime të shumta online dhe diskutime të gjera mes fansave.
Në një intervistë për “Le Mile Magazine”, Nuredini foli për raportin me këngëtaren italiane, duke e përshkruar si një lidhje që “shkon përtej skenës”.
“Ishte një përvojë jashtëzakonisht e kënaqshme, si artistikisht ashtu edhe personalisht. Në skenë, u ndjeva e lirë të isha vërtet vetvetja, gjë që nuk është gjithmonë e garantuar,” u shpreh ajo.
Romanca, që besohet të ketë nisur gjatë turneut dhe pushimeve të përbashkëta, mbetet ende pa një etiketë zyrtare. Megjithatë, heshtja e tyre duket se vetëm sa e shton kuriozitetin, ndërsa fansat vazhdojnë të analizojnë çdo postim dhe dalje publike.
Françeska Nuredini është një balerinë profesioniste 23-vjeçare me prejardhje shqiptare, e cila është bërë një nga fytyrat më të njohura të trupës së vallëzimit që shoqëroi Elodie-n në turneun e saj të fundit.
Ajo e ka nisur rrugëtimin artistik që në moshë të vogël, duke e kthyer pasionin për vallëzimin në profesion pas viteve intensive trajnimi.
Gjatë karrierës së saj, ka bashkëpunuar me emra të njohur të muzikës italiane si J-Ax dhe Sfera Ebbasta. Sipas raportimeve, marrëdhënia e saj me Elodie mund të ketë nisur në fund të vitit 2025, gjatë turneut dhe pushimeve të përbashkëta në Tajlandë, ku afrimiteti mes tyre u bë gjithnjë e më i dukshëm. Për Nuredinin, vallëzimi nuk ka qenë kurrë një zgjedhje e rastësishme.
“E doja, më erdhi natyrshëm,” tregon ajo, duke kujtuar vitet kur shkolla e vallëzimit u bë e gjithë bota e saj për shtatë vite me radhë.
Burimi: botasot.info
