Esmaeil Baghaei, zëdhënësi i Ministrisë së Jashtme të Iranit, ka reaguar ndaj një fjalimi të shefes së BE-së Ursula von der Leyen, gjatë të cilit ajo tha se “populli i Iranit meriton liri, dinjitet dhe të drejtën për të vendosur të ardhmen e vet.”
Duke komentuar një video të fjalimit të von der Leyen, Baghaei tha: “Ju lutem kurseni hipokrizinë”.
“Keni bërë një karrierë duke qëndruar në anën e gabuar të historisë – duke dhënë dritën jeshile pushtimit, gjenocidit dhe mizorive, dhe tani duke pastruar krimin e agresionit dhe krimet e luftës të kryera nga SHBA-të/Izraeli kundër iranianëve.”
Ai akuzoi udhëheqjen e BE-së se po hesht “përballë paligjshmërisë dhe mizorisë”, duke thënë se kjo “nuk është asgjë më pak se bashkëfajësi”.
Burimi: opinion.al
