Ministri i Jashtëm i Iranit, Abbas Araghchi, ka paralajmëruar se Teherani është i gatshëm të vazhdojë sulmet me raketa për aq kohë sa do të jetë e nevojshme, ndërsa konflikti me Shtetet e Bashkuara dhe Izraelin hyn në ditën e 11-të.
Në një intervistë për rrjetin televiziv amerikan PBS, kreu i diplomacisë iraniane deklaroi se Republika Islamike është e përgatitur të vijojë përballjen ushtarake dhe të përgjigjet me sulme të reja kundër kundërshtarëve të saj.
“Ne jemi të gatshëm të vazhdojmë goditjet tona me raketa kundër tyre për aq kohë sa të jetë e nevojshme dhe për aq sa do të kërkohet”, theksoi Araghchi.
Deklarata e tij vjen si kundërpërgjigje ndaj presidentit amerikan Donald Trump, i cili një ditë më parë u shpreh se lufta “do të përfundojë së shpejti”.
Burimi: botasot.info
