Rreth 24 mijë nxënës të klasave të nënta, të premten pritet t’i nënshtrohen testit të arritshmerisë. Përmes këtij testi do të vlerësohen njohuritë e tyre të fituara gjatë viteve të shkollës fillore.
E përgatitjet në shkollën fillore “Emin Duraku” në Prishtinë veçse kanë përfunduar dhe gjithçka është bërë gati.
“Jemi munduar jemi bërë gati, këtë periudhën e fundit përmes organizimit të mësimit plotësues e përmes mësimit shtesë, poashtu kemi pasur edhe një testë të brendshëm që i kemi evidentuar ngecjet potenciale të fëmijëve. Mësimdhënësi kanë punuar orë shtesë që nga terori e deri në fund të vitit shkollor me nxënës të caktuar”, është deklaruar drejtori i shkollës Emin Duraku, Visar Osmani.
Por sfiduese sipas drejtorit është tentimet për të kopjuar në këtë test.
“Interesimi për më kopju është shumë i madh, kjo është shqetësuese. Ne 40 minuta para se më fillu testi i njofztojme që nuk duhet të të keni telefona pasi në momentin që e zënë me telefon duhesh me lajmëru dhe prap nxënësit vijnë me telefona mundohen me na sfidu”, ka thënë tutje Osmani.
E fajtor për këtë, sipas ekspertit të Arsimit, Rinor Qehaja, është mungesa e një administrimit profesional.
“Nga e kaluar çka në është dëshmuar është se ka dështim të administrimit kjo na është bartë në rezultate të fryra dhe duke u kthyer në një padrejtësi në shkollat që nxënësit dëshirojnë të vazhdojnë shkollimin”, është deklaruar Qehaja.
Prandaj si të rrugës, Qehaja e sheh mos mbajtjet e këtij vlerësimi.
“Neve nuk vlerësojmë që testi i arritshmërisë duhet të mbahet ose së paku e nuk vlerësojmë që duhet të këtë atë peshë në vlerësim. Mund të organizohet që të shërbeje si orientuese, udhëzuese për semimaturantët për profile të caktuara , a janë për gjimnaze apo për shkolla profesionale”, ka përfunduar Qehaja.
Rezultatet e testit te arritshmërisë për nxënësit e klasave të nënta, pritet të shpallen deri më 5 korrik.
Burimi: botasot.info
