Agjencia për Informim dhe Privatësi ka mbledhur në Prizren autoritetet rajonale të qasjes në dokumente publike
Kjo konferencë ka në fokus prezantimin e të arriturave dhe sfidave në fushën e qasjes në dokumente publike.
“Nën organizimin e Agjencisë për Informim dhe Privatësi (AIP), dhe me mbështetjen e Këshillit të Evropës në Kosovë, ka filluar punimet Konferenca Rajonale për Qasje në Dokumente Publike “Iniciativa 2020”, e cila ka në fokus prezantimin e të arriturave dhe sfidave në fushën e qasjes në dokumente publike, si dhe nxjerrjen e rekomandimeve të përbashkëta për forcimin e transparencës dhe llogaridhënies”, ka bërë të ditur AIP.
Kanë treguar se në këtë takim, të gjashtin me radhë, ka edhe përfaqësues autoritetesh nga gjashtë shtete.
“Në takimin e 6-të të Iniciativës 2020, që do të zgjasë deri më 15 tetor, po marrin pjesë Komisionerët dhe përfaqësuesit e autoriteteve për qasje në dokumente publike nga Bosnja dhe Hercegovina, Kroacia, Maqedonia e Veriut, Mali i Zi, Shqipëria dhe Sllovenia”, thuhet në njoftimin e Agjencisë për Informim e Privatësi.
Burimi: botasot.info
