Politologu Dorajet Imeri ka thënë se moskonstituimi i Kuvendit lidhet me numrat për formimin e qeverisë.
Ai ka thënë se emrat e të propozuarve për kryetar Kuvendi nuk janë problemi.
“Konstituimi i Kuvendit nuk është çështja, s’ka qenë kurrë emri i Albulena Haxhiut, as emri i ministrave tash deputet, por lidhet me pamundësinë për të pas 61 vota për të formuar Qeverinë. Po të ishin numrat për Qeveri, konstituimi i Kuvendit nuk do të ishte çështje”, ka thënë ai në emisionin “Mesditë në Tëvë1.
Ai ka thënë se Vetëvendosje por as ish –partitë opozitare nuk i kanë votat për një shumicë parlamentare.
“Vetëvendosje e ka të vështirë, ndoshta të pamundur për të bërë shumicën e re në Kuvendin e Kosovës. Partitë që kanë dal e dyta dhe e treta e kanë të pamundur, sepse e kanë bërë publike dhe numerikisht e kanë të vështirë nëse nuk përfshihet Lista Serbe dhe të gjithë deputetët e LDK-së”, ka thënë ai.
Imeri ka vlerësuar se tani partitë janë të fokusuara në zgjedhjet lokale dhe kanë këtë diskurs.
Burimi: botasot.info
