Presidenti i Partisë së Lirisë, Ilir Meta, pritet të paraqitet sot në ambientet e Prokurorisë së Posaçme (SPAK), ku do t’i komunikohet mbyllja e hetimeve dhe akuzat zyrtare ndaj tij.
Komunikimi i akuzave ishte planifikuar që të hënën e kaluar, por u shty për shkak të mungesës së avokatit të tij, Kujtim Cakrani, i cili ndodhej jashtë vendit.
Në këto momente, avokati Cakrani është paraqitur në SPAK, duke i hapur rrugë vijimit të procedurës ligjore.
Pritet që në orët në vijim edhe vetë Ilir Meta të mbërrijë në ambientet e Prokurorisë për t’u njohur zyrtarisht me dosjen dhe akuzat që rëndojnë mbi të.
Burimi: botasot.info
