Iggy Azalea është rikthyer në Australi për Krishtlindje – dhe i ka habitur fansat teksa zbuloi se cili është ëmbëlsira e saj e preferuar australiane.
Reperja e lindur në Sidnei – e cila prej disa vitesh jeton në Amerikë – ndau të martën në rrjetet sociale disa fotografi mbresëlënëse, ku shfaqej duke ekspozuar trupin e saj të tonifikuar në bikini.
Autorja e hitit Fancy, 35 vjeçe, rrezatonte vetëbesim dhe stil, teksa pozonte përpara kamerës duke shijuar diellin e verës dhe duke vënë në pah linjat e saj elegante.
Ajo publikoi gjithashtu një postim më të thjeshtë, duke ndarë një foto të një iced finger bun gjysmë të ngrënë – një ëmbëlsirë tradicionale australiane, një lloj buke e ëmbël me një shtresë kremi rozë sipër.
Fotografia zbuloi në mënyrë diskrete delikatesën e preferuar australiane të Iggy-t, duke dëshmuar se ajo mbetet ende një vendase e vërtetë në zemër.
Edhe pse Iggy mund të jetë tërhequr nga muzika rap, ajo sigurisht që nuk është tërhequr nga jeta luksoze. Ylli australian i hip-hopit ka ndjekur një rrugë të re karriere vitet e fundit, duke punuar si sipërmarrëse në fushën e kriptomonedhave, ndërsa ka kufizuar edhe përdorimin e rrjeteve sociale.
Duket se kjo sipërmarrje po i sjell përfitime të mëdha, pasi Iggy në muajin gusht shfaqi stilin e saj luksoz të jetesës në Instagram.
Ajo u dha fansave një vështrim nga jahti gjigant me të cilin po lundronte, teksa shijonte kokteje dhe shërbehej nga një staf i madh.
Në një nga imazhet, biondja shihej e shtrirë në mol me një pije në dorë, ndërsa në një tjetër tregonte vetë anijen luksoze.
Iggy ndau gjithashtu një selfie para pasqyrës, ku shfaqej e veshur me disa veshje të markave të njohura.
Ajo i shoqëroi serinë e fotografive me një emoji të thjeshtë, që nxirrte gjuhën.
Dikur, Azalea ishte emri më i madh në hip-hop… por tani ndodhet në një rrugë krejtësisht tjetër profesionale.
Ajo shpërtheu në listat muzikore në vitin 2014 me hitin e saj Fancy, i cili qëndroi në vendin e parë të klasifikimit Hot 100 për shtatë javë radhazi.
Burimi: botasot.info
