Kryetari i Alternativës dhe njëri prej liderëve të VLEN, Zeqirija Ibrahimi gjatë hapjes së shtabit të VLEN në Komunën e Butelit, midis tjerash ka folur për kujdesin e Qeverisë ndaj zhvillimit të komunave.
“ Këto janë zgjedhje të para ku ne vijmë me një përvojë të qeverisjes një vjecare. E keni parë që gjatë kësaj qeverisje për herë të parë në historinë e këtij shteti dikush është kujdesur edhe për zhvillimin e komunave. Janë dhjetra projekte që po zhvillohen në të gjitha komunat e vendit, rrjedhimisht edhe në Komunën e Butelit, sic e kemi thënë dhe e përmendi edhe Behari. Qeveria ka vendosur që ta rregulloje ujësjellësin e fshatit Luboten që ka qenë një çështje shumëvjeçare e pazgjidhur. Edhe pse Komunën e Butelit nuk e kemi ne të VLEN nën drejtim, por kjo nuk ka ndikuar fare që ne të kujdesemi në mënyrë të barabartë për çdo cep, për cdo interes të qytetarëve. Andaj, duke pasur këso pushteti qëndror shumë është e rëndësishme që ne ta kemi edhe pushtetin lokal. Për shkak se do të kemi shans që edhe më tepër të kontribuojmë dhe të prodhojmë të mira për qytetarët e vendit tonë ”, nënvizoi Ibrahimi.
Burimi: alfax.mk
