Kryetari i Alternativës, dhe njëri nga liderët e koalicionit VLEN, Zeqirija Ibrahimi, ka njoftuar se me propozim të degëve të VLEN-it të Komunës së Vrapçishtit, si dhe me miratim të lidershipit të VLEN-it, kandidat për kryetar i kësaj komune, me shumë gjasë edhe kryetar i ardhshëm i Komunës së Vrapçishtit, do të jetë avokati i njohur Memet Seferi.
“Një ditë të begatshme të një fushate me plot frymëzim po e përmbyllim edhe me një lajm të mirë, kësaj radhe për qytetarët e Komunës së Vrapçishtit. Me propozim të degëve të VLEN-it të Komunës së Vrapçishtit, si dhe me miratim të lidershipit të VLEN-it, kandidat për kryetar i kësaj komune, me shumë gjasë edhe kryetar i ardhshëm i Komunës së Vrapçishtit, do të jetë avokati i njohur Memet Seferi.
Profesionalizmi në shumë fushën e drejtësisë, përvoja në sektorin joqeveritar dhe angazhimi publik për të drejtat e njeriut janë letërnjoftimi i kandidatit Memet Seferi për Komunën e Vrapçishtit.
Pas një qeverisjeje që ka lënë shumë për të dëshiruar, më në fund edhe për qytetarët e Komunës së Vrapçishtit po vijnë ditë të mira.
Urime dhe na priftë e mbara!”, ka shkruar Ibrahimi. /Alfax.mk
Burimi: alfax.mk
