Një ditë më parë, policia braziliane ka arrestuar Manuel Augusto Blacker Miller, ish-Ministër i Punëve të Jashtme të Perusë në qeverinë e Alberto Fujimorit gjatë viteve 1990, në zonën jugore të Rio de Janeiros.
I arrestuari ishte në listën e Njoftimit të Kuq të Interpolit.
Blacker Miller, tashmë 80 vjeç, ka kqenë në arrati për shtatë vjet dhe kërkohej me dyshimin për përfshirje në një mashtrim financiar në Shqipëri. Ai gjithmonë e mohoi krimin.
Arrestimi u krye në lagjen Flamengo, nga agjentë të Njësisë së Bashkëpunimit Ndërkombëtar të Policisë Federale.
Sipas autoriteteve shqiptare, ai kreu krimin e mashtrimit, për të cilin duhet të vuajë një dënim me tetë vjet burg, gjatë periudhës që jetoi në vend pasi la pozicionin e tij në qeverinë peruane.
Ish-ministri do të transferohet në sistemin e burgjeve shtetërore. Ai do të mbetet në paraburgim deri në ekstradimin e tij përfundimtar në Shqipëri.
Miller, sipas hetimeve të policisë lokale, ai dyshohet se premtoi një investim që nuk e përmbushi.
Miller ishte ministër gjatë qeverisë së Alberto Fujimorit në vitin 1991. Ai ishte dënuar tashmë me katër vjet burg në Peru në nëntor 2007. Në atë kohë, gjykatat e vendit dënuan gjithashtu nëntë ish-ministra të tjerë të qeverisë Fujimori.
Akuza është se ata ndihmuan në organizimin e një grushti shteti në vitin 1992. Por ish-ministri u zhvendos në Shqipëri, ku jetoi për pesë vjet dhe u bë aksionari kryesor i një kompanie shqiptare.
Burimi: botasot.info
