Aktori britanik Jack Lowden është fotografuar me një pamje të zymtë gjatë xhirimeve të serialit “Slow Horses” të Apple TV, vetëm pak ditë pasi humbi garën për të marrë rolin e shumëdëshiruar të agjentit ikonik James Bond, i cili i është besuar aktorit Robert Pattinson.
Pas javësh spekulimesh, Robert Pattinson është konfirmuar si aktori i ri që do të interpretojë agjentin 007. Ai e ka cilësuar këtë rol si “nderin e jetës së tij”.
Ndërkohë, Jack Lowden ishte konsideruar favorit për të marrë rolin e Bondit, pasi muajin e kaluar kishte dalë si kandidati kryesor pas testeve për ekran, shkruan Daily Mail, transmeton “Bota sot”.

Megjithatë, të hënën u konfirmua se Robert Pattinson kishte fituar garën, duke i dhënë fund muajve të tërë spekulimesh rreth identitetit të aktorit që do të pasojë në këtë rol legjendar.
Vetëm pak ditë para se të bëhej publik vendimi, Lowden u fotografua gjatë xhirimeve të skenave të reja të “Slow Horses” në lagjen Soho të Londrës. Pamja e tij e dëshpëruar ka tërhequr vëmendjen, ndërsa mbetet e paqartë nëse aktori ishte tashmë në dijeni se nuk do ta merrte rolin e James Bondit.

Një tjetër zhvillim për serialin “Slow Horses” erdhi nga Apple TV, e cila konfirmoi se produksioni do të rikthehet edhe me dy sezone të tjera. Megjithatë, në njoftimin për vazhdimin e serialit nuk pati ndonjë përmendje të veçantë për Jack Lowden, pavarësisht spekulimeve të shumta që e lidhnin emrin e tij me rolin e ardhshëm të agjentit 007.
Burimi: botasot.info


