Helen Flanagan iu rikthye punës të hënën, duke marrë pjesë në ditën e parë të provave për një shfaqje teatrale në Bolton, pasi kaloi Krishtlindjet larg tre fëmijëve të saj, mes një konflikti të ashpër për bashkëprindërimin me ish-partnerin Scott Sinclair.
Ish-aktorja e Coronation Street, 35 vjeçe, e cila do të interpretojë rolin e Catherine në shfaqjen The Memory Of Water në teatrin Bolton Octagon, u shfaq pa grim teksa hynte nga hyrja e skenës, shkruan “Daily Mail”, transmeton “Bota sot”.
Me një stil të thjeshtë dhe casual në ngjyrë të zezë, Helen kishte veshur një triko të thurur dhe një fund lëkure, ndërsa mbante sendet personale në një çantë të madhe dhe të butë.
Ajo i kishte lidhur flokët bionde pas koke dhe pinte një kafe për ta marrë me vete, përpara se t’u bashkohej aktorëve të tjerë në sallën e provave.
Aktorja do të luajë në këtë komedi rolin e njërës prej tre motrave që ribashkohen përpara funeralit të nënës së tyre, përkrah aktores tjetër të Coronation Street, Vicky Binns, e njohur për rolin e Molly Dobbs.
Helen ka tre fëmijë me ish-të fejuarin e saj Scott Sinclair: Matilda, 10 vjeçe, Delilah, shtatë vjeçe, dhe djalin Charlie, katër vjeç.
Burimi: botasot.info
