Heidi Lushtaku është bërë sot temë në mediat turke pas një ndryshimi të vogël në Instagram, por që ka mjaftuar për të ngritur pikëpyetje rreth martesës së saj me futbollistin e njohur turk Merih Demiral.

Modelja me origjinë nga Kosova ka larguar nga profili mbiemrin “Demiral”, duke u prezantuar sërish vetëm si Heidi Lushtaku.

Lëvizja është kapur menjëherë nga mediat në Turqi, të cilat kanë ngritur dyshime nëse pas saj mund të fshihet një krizë në çift. Deri tani, megjithatë, as Heidi dhe as Merih nuk kanë bërë ndonjë deklaratë që do të konfirmonte një ndarje.

Madje, një detaj i rëndësishëm e mban situatën larg çdo përfundimi të tillë: Heidi dhe Merih vazhdojnë ta ndjekin njëri tjetrin në Instagram.

Ndryshimi në profil gjithashtu nuk është kufizuar vetëm te mbiemri. Heidi ka bërë ndryshime edhe në fotografinë dhe paraqitjen e profilit të saj, çka lë të hapur mundësinë që bëhet fjalë për një rifreskim të imazhit të saj publik apo profesional. Lushtaku prej vitesh është aktive në modeling dhe në rrjete sociale, ndaj rikthimi te emri me të cilin është njohur profesionalisht mund të lidhet po aq me punën sa me jetën private.

Heidi Lushtaku dhe Merih Demiral janë të martuar që nga viti 2021 dhe janë prindër të dy djemve.

Për momentin, pra, ajo që dihet me siguri është vetëm ndryshimi i profilit. Gjithçka tjetër mbetet në nivelin e spekulimeve të ngritura nga mediat turke.

Burimi: botasot.info