Atë që se bënë të tjerët e bën Haqim Ramadani nga VLEN. Kandidati për kryetar të komunës së Bërvenicës, ka bërë një veprim jo të vogël, duke vendosur vetë tabelën dygjuhëshe në hyrje të fshatit Gurgunicë. Krejt kjo për të treguar se do të përkushtohet për zhvillim të barabartë në të gjitha fshatrat e komunës.

“Edhe Gurgunica është pjesë e komunës së Bërvenicës”, shkruan Ramadani në postimin në Fejsbuk.

Ai shprehet se Gurgunica është zemra e turizmit malor, një fshat i bekuar nga natyra, me peizazhe që të lënë pa fjalë.

“Plani ynë është i qartë: ndërtimi i rrugës nga Stença deri në Gurgunicë, që banorët të lëvizin lirshëm dhe vizitorët të vijnë pa pengesa”, thekson Ramadani.

Mes tjerash premton se do të rrisë sigurinë e komunikacionit dhe do të krijojë kushte për turizëm me uikend-shtëpiza.

“Ky investim nuk është vetëm një rrugë, por një mundësi për ta kthyer fshatin në motor të ekonomisë, për të ulur papunësinë, për të ndaluar migrimin dhe për të mbajtur rininë këtu, në vendin e vet”, thekson Ramadani, kandidat për Bërvenicën nga VLEN.