Kryeministri Edi Rama ka reaguar përsëri në lidhje me lirimin e hapësirave publike.
Kreu i qeverisë ka publikuar në rrjetet sociale pamje nga Shkodra, ku shihet transformimi i territorit që më parë ishte i zaptuar në kundërshtim me ligjin.
Rama thotë se hapësira e lirë do të shfrytëzohet për t’u bërë park për fëmijët dhe familjet në zonë.
“Aty ku për 30 vite ishte një parkim i madh ndotjeje makinash të mbetura si “prova” nga proceset gjyqësore, sot Shkodra po fiton një hapësirë të re jete, me parkun “Dua të luaj”, një vend për fëmijët e familjet me mundësira argëtimi e rekreacioni për të gjitha moshat. Kjo risi e bukur për Shkodrën vjen si rezultat i bashkëpunimit mes Agjencisë së Administrimit të Pasurive të Sekuestruara dhe të Konfiskuara, Bashkisë Shkodër dhe Fondit Shqiptar të Zhvillimit”,-shkruan Rama./Opinion.al
Burimi: opinion.al
