Kandidati i PDK-së për kryeministër, Bedri Hamza para qytetarëve të Ferizajt, premtoi se PDK do të ndryshojë gjendjen ekonomike e sociale të të gjithë qytetarëve, derisa pati edhe zotime konkrete për Ferizajn.
“Ne do ta reformojmë pagesën e TVSH-së, TVSH-ja do të paguhet në brendi, nuk do të jetë më barrë e cila do ta ndikojë likuiditetin dhe do të rrisë koston e operimit për biznese. Ne nuk do të lejojmë që ligji për tatimin në pronë të hynë në fuqi e barra për bizneset e pronat komerciale të rritet më shuam se 200 për qind, ne do t’ përkrahim bizneset e reja, bizneset me qarkullim deri ne 10 mijë euro nuk do të tatohen. Ato me qarkullim deri në 309 mijë euro do të tatimoren vetëm mbi bazën e fitimit real”, tha ai.
Hamza kërkoi votën e qytetarëve të Ferizajt pasi siç tha ai, ata njohin veç fitore, derisa shtoi se PDK në listën e saj ka profesionistë të shkëlqyer.
“Do të investojmë në infrastrukturë, përfundimin e rrugëve që kanë filluar në qeveritë kaluara e nuk po u shihet fundi edhe ajo për Gjilan, edhe për Mitrovicë edhe për Pejë, edhe Dollc- Gjakovë edhe shumë të tjera. Modernizimin e hekurudhave, kapaciteteve të reja energjetike bazuar në gjitha resurset e që i ka Kosova. Do ta transformojmë Kosovën në një shtet të zhvilluar dhe të qëndrueshëm ekonomikisht. Kur zhvillohet ekonomia, zhvillohet biznesi e rritet buxheti. Ne e shohim rritjen e buxhetit përmes rritjes ekonomike, sepse ne do t’i ulim llojet e caktuara të tatimeve. Sa më pak tatime në paga aq më shumë paratë në xhep për nevojat e tyre dhe familjeve të tyre. Pagat deri në 400 euro do të tatimohen zero euro”, premtoi Hamza para ferizajasve.
Hamza, tutje premtoi, arsim cilësor e të digjitalizuar, sigurime shëndetësore në fillim të mandatit e jetë më të mirë për të gjithë qytetarët, teksa ftoi ata dhe diasporën që dhanë kontribut në luftën e fundit dhe shtetëndërtimin e Kosovës më 28 dhjetor të jenë bashkë për fitoren e PDK-së.
Burimi: botasot.info
