Hailey Bieber ishte pa dyshim një nga yjet më të komentuar të festës pas ndarjes së çmimeve Grammy, ku u shfaq mahnitëse me një fustan të shkurtër, tejet seksi, duke tërhequr gjithë vëmendjen e të pranishmëve dhe kamerave. Modelja dhe sipërmarrësja dëshmoi edhe një herë pse konsiderohet ikonë stili në tapetin e kuq dhe jo vetëm.
Ndërkohë, vëmendje të madhe mori edhe bashkëshorti i saj, Justin Bieber, i cili u pa në një moment miqësor duke i dhënë një puthje fanses dhe mikeshës së tij të vjetër, Billie Eilish.
Gjesti, i kapur nga paparacët në after-party-n plot yje, ndezi menjëherë rrjetet sociale dhe hapi diskutime të shumta, edhe pse u interpretua nga shumëkush si shenjë e një miqësie të vjetër dhe respekti mes dy artistëve.
Mbrëmja nuk kaloi pa polemika: Justin thuhet se e shpërfilli çmimin Grammy, duke mos i kushtuar vëmendje ceremonisë në mënyrën tradicionale, ndërsa fansat vunë re edhe një tatuazh të ri, i cili u zbulua gjatë festës dhe u bë temë diskutimi online.
After-party i Grammy-ve, i njohur për atmosferën e shfrenuar dhe praninë e emrave më të mëdhenj të industrisë, këtë herë prodhoi jo vetëm glamur, por edhe momente që pushtuan titujt e showbiz-it. Hailey dhe Justin Bieber, edhe një herë, dëshmuan se çdo paraqitje e tyre është lajm në vetvete.
Burimi: botasot.info
