Gonxhja takim me përfaqësues të Bankës Botërore, investim 3 milion dollarë në turizmin vendas

Turizmi në vend po shënon një hap të rëndësishëm drejt një strategjie të koordinuar për turizmin dhe trashëgiminë kulturore.

Ministri i Turizmit, Kulturës dhe Sportit, Blendi Gonxhja zhvilloi një takim me drejtuesen e Divizionit për Ballkanin Perëndimor në Bankën Botërore, Xiaoqing Yu, dhe përfaqësues të tjerë të institucionit.

Në fokus të këtij takimi ishin investimet ne turizëm dhe në trashëgimi  kulturore duke krijuar një instrument financiar për mbështetjen e investimeve strategjike në këtë sektor.

Kjo fazë do të mbështetet nga një grant prej 3 milionë dollarësh, i cili do të përdoret për analizë, përgatitje, propozime dhe përzgjedhje të investimeve të qëndrueshme me impakt afatgjatë.

Bashkëpunimi synon të rrisë cilësinë e ndërhyrjeve në sektor dhe të promovojë identitetin kulturor dhe natyror të vendit.

Në këtë projekt do të përfshihen zonat me fluks të lartë turistik se dhe zonat me biodiversitet te veçantë.