Ekipi i Beyonces ka dhënë një deklaratë pasi ajo gati sa nuk ra nga makina fluturuese në koncertin e saj në kuadër të turneut “Cowboy Carter”.
Këngëtarja 43-vjeçare e mbylli koncertin duke fluturuar rreth stadiumit me një makinë.
Gjatë performancës të shtunën mbrëma, në stadiumin NRG në Houston të Teksasit, makina dukej se u anua dhe fansat ishin të shqetësuar se gati sa nuk do ta rrëzonte.
“Ndalo, ndalo, ndalo, ndalo, ndalo”, tha Beyonce në mikrofon për të ndërprerë muzikën. U desh gati një minutë që ekipi të ulte makinën në tokë dhe ta nxirrte atë të sigurt nga makina.
Beyonce u kthye në skenën kryesore për të përfunduar performancën.
Pas shfaqjes, ekipi i Beyonces lëshoi një deklaratë në lidhje me momentin.
“Sonte në Houston, në stadiumin NRG, një aksident teknik bëri që makina fluturuese, një mjet që Beyonce përdor për të lundruar rreth stadiumit dhe për të parë fansat e saj nga afër, të anohej. Ajo u ul shpejt dhe askush nuk u lëndua. Shfaqja vazhdoi pa incidente”, tha Parkëood Entertainment.
Beyonce përfshiu një foto nga momenti në përmbledhjen e saj në Instagram të shfaqjes.
Burimi: botasot.info
