Në mesjavë futboll, nesër nis xhiroja e 11-të
Futboll në kampionatin vendor do të ketë edhe gjatë mesjavës, kur nga nesër do të nis xhiroja e 11-të në Ligën e Parë të futbollit në Maqedoninë e Veriut. E mërkura do të ketë në program dy ndeshjet e para të kësaj xhiroje, aty ku Arsimi në Gostivar do të pret Rabotniçkin e Shkupit, teksa Bashkimi do të jetë mysafirë në kryeqytet në përballjen me Makedonija Gjorçe Petrovit. Të enjten Shkupi do të luaj me Strugën, përderisa Pelisteri takohet me Tikveshin. Xhiroja do të mbyllet të premten me dy ndeshje si Brera – Shkëndija dhe Vardari – Sileksi. Të gjitha duelet e xhiros së 11-të në elitë do të zhvillohen në termin të njejtë, duke nisur nga ora 13:30, përveç ndeshjes Pelisteri – Tikveshi që është programuar të luhet nga ora 17:00.