Personat që shihni në foto janë viktimat e aksidentit tragjik të ndodhur gjatë natës në Peqin.
Gabriel Lluca, drejtuesi i automjetit dhe miku i tij Denis Korbi po shkonin në Peqin, në momentin që makina e tyre ka dalë nga rruga në zonën e quajtur “Ura e Teqes” dhe u përplasën me një banesë, duke humbur jetën në vendngjarje.
Njoftimi i policisë:
Peqin/Informacion paraprak
Rreth orës 02:00, në vendin e quajtur “Ura e Teqes”, Peqin, automjeti që drejtohej nga shtetasi G. Ll., 24 vjeç, ka dalë nga rruga.
Si pasojë e aksidentit kanë humbur jetën drejtuesi i automjetit shtetasi G. Ll. dhe pasagjeri në këtë automjet shtetasi D. K., 24 vjeç.
Grupi hetimor në drejtimin e Prokurorisë po punon për zbardhjen e rrethanave dhe shkaqeve të aksidentit.
Top Channel
Burimi: top-channel.tv
