Filipinet po përgatiten për mbërritjen e një tjetër tajfuni potencialisht shkatërrues, më pak se një javë pasi ai i mëparshmi vrau të paktën 200 persona.
Tajfuni Fung-wong, i njohur në vend si Uwan, parashikohet të forcohet në nivele super tajfuni, me erëra deri në 185 kilometra në orë, përpara se të zbarkojë në ishullin Luzon të dielën në mbrëmje, raporton BBC.
Shërbimi meteorologjik i Filipineve, Pagasa ka paralajmëruar se stuhia do të sjellë shira të rrëmbyeshëm dhe valë stuhish që kërcënojnë jetën.
Disa shkolla anuluan mësimet të hënën ose i zhvendosën ato në internet, ndërsa Philippine Airlines anuloi shumë fluturime vendase.
Tajfuni pritet të dobësohet pasi të arrijë në tokë, por meteorologët vlerësojnë se do të ruajë forcën e tajfunit ndërsa kalon mbi Luzon.
Pjesët lindore të Filipineve u goditën tashmë nga erëra të forta dhe shi të shtunën, transmeton KosovaPress.
Burimi: botasot.info
