Ferizaj do të ketë qendër të re moderne për art dhe kulturë

Ministri në detyrë i Kulturës, Rinisë dhe Sportit, Hajrulla Çeku, ka njoftuar se në Ferizaj është duke u ndërtuar një qendër multifunksionale moderne që do t’i shërbejë artit, kulturës dhe komunitetit.

Ai tha se ky projekt kap vlerën mbi 4.2 milionë euro dhe do të ofrojë hapësira të reja për jetën kulturore të qytetit.

Sipas Çekut, qendra do të ketë dy salla koncertale, hapësira për artistë, muze, galeri arti dhe bibliotekë.

“Në Ferizaj po ndërtohet një hapësirë moderne për artin, kulturën dhe komunitetin. Një tjetër investim i Qeverisë për zhvillimin kulturor të qyteteve tona.” ka deklaruar ai.