Fërçkoski paralajmëron efektin domino: Ndryshimet në Serbi mund të tronditin edhe Maqedoninë e Veriut

Profesori dhe ish-ministri Ljubomir Fërçkoski pret që ndryshimet politike në Serbi të ndikojnë edhe në Maqedoninë e Veriut. Ai vlerëson se bashkimi i forcave qytetare me opozitën mund të krijojë presion për ndryshime politike.
Sipas Fërçkosk it, rezultati zgjedhor në Serbi dëshmon se mobilizimi masiv qytetar mund të sfidojë edhe pushtetet e fuqishme. Ai u bëri thirrje forcave qytetare dhe opozitës në Maqedoninë e Veriut të bashkëpunojnë për të kundërshtuar, siç e cilësoi, sistemin autoritar.
Në zgjedhjet e parakohshme parlamentare në Serbi, sipas rezultateve paraprake të raportuara, Lista Studentore fitoi 140 mandate, ndërsa lista e Partisë Progresive Serbe (SNS), të udhëhequr nga Aleksandar Vuçiq, 103.
Protestat studentore në Serbi nisën pas tragjedisë në Novi Sad në vitin 2024, ku humbën jetën 16 persona, dhe më pas u shndërruan në një sfidë të rëndësishme politike për pushtetin.