Kryetari i Istogut dhe kandidati i LDK-së për mandatin e ri si kryetar i këtij qyteti, Ilir Ferati ka prezantuar Veton Kurtin si kandidat për Asamblenë Komunale.
Ferati ka thënë se Kurti rikthehet sërish për të kërkuar besimin e qytetarëve dhe në listë mban numrin 20.
Postimi i tij:
Veton Kurti, Kandidat për Asamblenë Komunale!
Me qëllime të qarta, Veton Kurti rikthehet sërish për të kërkuar besimin tuaj në Asamblenë Komunale, këtë herë me numrin 20 në listën e LDK-së.
Vetonin e thërrasim doktor, por përkushtimi i tij që herët ka frymëzuar shoqërinë civile e Forumin Rinor të LDK-së, duke e bërë shembull të përgjegjësisë dhe afërsisë me qytetarët.
Gjatë mandatit të tij si asamblist në Kuvendin Komunal, tregoi përkushtim të vazhdueshëm për zhvillimin e kërkesave tuaja. Jashtë ulëses së saj, por me të njëjtin qëllim, Doktor Vetonin e gjeni të mobilizuar si mjek i specializuar në radiologji, gjithmonë i gatshëm për shërbim dhe me një dëshirë të veçantë për të ndihmuar sa herë thërret puna për një istogas.
Rrugëtimi ynë vazhdon!
Burimi: botasot.info
