Ministrja e Jashtme, Elisa Spiropali, ka përcjellë një mesazh ndarjeje dhe nderimi për ish-kryeministrin Fatos Nano, duke e cilësuar atë si udhëheqësin që i dha frymë europiane dhe progresiste të majtës shqiptare.
“Lamtumirë Fatos Nano! Nderim kryetarit që udhëhoqi ndarjen historike të së majtës shqiptare nga e shkuara komuniste, drejt një fryme partie të hapur, europiane e progresiste.
Nderim kryeministrit që, në kohë nga më të vështirat, doli mbi veten duke sakrifikuar pushtet për të konsoliduar shtetin.
Nderim atij që iku pa zhurmë, bujë e zvarritje, duke themeluar institucionin e dorëheqjes e kalimit paqësor të pushtetit,” shkruan Spiropali.
Burimi: botasot.info
