Dyshimet për ryshfet në bujqësi, Nikollovski: Rrezikohet programi IPARD-3 në vlerë të 128 milionë €

34

Shkup, 7 nëntor – Nga LSDM kanë reaguar pas arrestimit të 5 personave, nën dyshime për ryshfet në sektorin e bujqësisë, përcjell TV21. Ljubço Nikollovski nga LSDM thotë se ky skandal rrezikon mbështetjen evropiane për realizimin e programit IPARD-3 në vlerë të 128 milionë eurove.

“Sipas informacionit që kemi, ky skandal tashmë ka paralajmërim dhe është e mundur që Bashkimi Evropian të ndalë financimet e programit IPARD-3 të Komisioni Evropian. Janë vënë në rrezik 128 milionë euro nga i gjithë programi shtatëvjeçar, para që duhej të ishin motor i bujqësisë sonë”, tha mes tjerash Nikollovski.