Vetëm dy ditë para zgjedhjeve lokale, në komunën e Sarajit po vazhdon rritja e përkrahjes për kandidatin e koalicionit VLEN, Muhamet Elmazi. Aktivistë të BDI-së nga Sfillarja e Poshtme kanë vendosur t’i bashkohen rrugëtimit të tij politik, duke i dhënë mbështetje të hapur në përpjekjen për ndryshim.
Lajmin e ka bërë të ditur vetë Elmazi përmes një statusi publik, ku ka theksuar se çdo bashkim i tillë e forcon edhe më shumë fitoren që po vjen.
Ky nuk është rasti i vetëm i largimeve nga BDI në ditët e fundit të fushatës. Edhe më herët, figura dhe aktivistë lokalë kanë shprehur hapur mbështetjen për VLEN-in dhe për kandidaturën e Muhamet Elmazit, duke sinjalizuar një frymë të re politike në Saraj.
Burimi: alfax.mk
