Droni me eksplozivë në aeroportin e Leipzigut, Britania thërret diplomatin rus dhe akuzon Moskën për kërcënim ndaj sigurisë

Londra ka thirrur diplomatin më të lartë rus në vend, pas incidentit me një dron të mbushur me eksplozivë në aeroportin e Leipzigut në Gjermani.

Ministria e Jashtme britanike e ka dënuar incidentin si një “sulm të rëndë dhe të pamatur”, duke akuzuar shtetin rus për përpjekje të vazhdueshme për të cenuar sigurinë e përbashkët.

“Thirrëm sot të ngarkuarin me punë të Rusisë për ta dënuar sulmin në termat më të fortë”, deklaroi një zëdhënës i Ministrisë së Jashtme britanike.

Sipas Londrës, incidenti i muajit të kaluar në aeroportin e Leipzigut është pjesë e një modeli më të gjerë veprimesh që synojnë të minojnë sigurinë e vendeve evropiane.

Moska i ka hedhur poshtë akuzat, duke i cilësuar ato si “absurde”.

Incidenti vjen në një kohë tensionesh të larta mes Rusisë dhe vendeve perëndimore për shkak të luftës në Ukrainë.