Drejtori Hoxha ndan vetura për policët e lagjes

Drejtori i Përgjithshëm i Policisë së Kosovës, kolonel Gazmend Hoxha, ka shpërndarë 19 vetura të reja hibride për policët e lagjes, si pjesë e përpjekjeve për të rritur efikasitetin dhe afërsinë e tyre me komunitetin.

Në njoftimin e Policisë së Kosovës thuhet se kjo iniciativë është në përputhje me objektivat e Strategjisë së Policimit të drejtuar nga Inteligjenca dhe Policimit në Bashkësi.

Kjo duke mundësuar reagim më të shpejtë dhe ofrim më të mirë të shërbimeve për qytetarët në të gjitha drejtoritë rajonale.

Sipas Policisë, ndarja e këtyre automjeteve përbën një hap konkret drejt forcimit të qasjes proaktive, rritjes së besueshmërisë dhe transparencës në raport me qytetarët.