Sot, më 5 gusht 2025, Komuna e Butelit ka zgjedhur kryetarin e ri të Këshillit komunal, dr. Nikola Bozhinovski. Ai është mjek specialist në trajnim pranë Klinikës Universitare për Pulmologji dhe Alergologji dhe banon në lagjen Butel 2, me një njohje të thellë të komunitetit dhe nevojave të qytetarëve të kësaj komune.
Dr. Bozhinovski ka punuar si mjek amë në Butel, ku ishte i njohur për përkushtimin dhe respektin që gëzonte në mesin e pacientëve. Ai vlerësohet si një njeri me karakter të formuar, integritet dhe përkushtim të veçantë ndaj Maqedonisë dhe posaçërisht ndaj Butelit.
Kryetari i Komunës së Butelit, Darko Kostovski, e uroi dr. Bozhinovskin për emërimin dhe theksoi se komuna është krenare për personalitete të vlefshme dhe të përkushtuara si ai. Ai shprehu bindjen se bashkëpunimi me kryetarin e ri të Këshillit do të thellohet dhe forcohet në të mirë të të gjithë qytetarëve të komunës.
Njëkohësisht, kryetari Kostovski shprehu mirënjohje të veçantë për bashkëpunimin e shkëlqyeshëm me kryetarin e deritanishëm të Këshillit, dr. Igor Nikolov, i cili së fundmi ka marrë detyrën si ambasador i Republikës së Maqedonisë së Veriut në Francë.
