Doja Cat, 29 vjeçe (emri i vërtetë Amala Dlamini), ka lënë fansat e saj të mahnitur pas publikimit të këngës së re “Jealous Type” dhe videoklipit shoqërues, i cili paraqet disa nga pamjet e saj më seksi deri më sot.

Kënga elektropop shënon bashkëpunimin e parë të Dojës me superproducentin Jack Antonoff, i njohur për bashkëpunimet e tij të shumta me Taylor Swift.

Videoklipi, i drejtuar nga Boni Mota, karakterizohet nga nuanca blu të çelikta dhe ngjyra neon që kujtojnë estetikën e viteve 1980, duke përputhur stilin retro-funky të këngës, shkruan DailyMail.

Doja shfaqet në disa skena joshëse, duke veshur bluzë të bardhë të thellë, të brendshme të kuqe dhe kostume me printim leopardi, ndërsa interpreton disa personazhe që ndërthuren në pamje dinamike dhe teatrale.

Inspirimi i videoklipit duket të vijë nga filmat klasikë erotikë dhe thriller-e të viteve ‘80, përfshirë “9 1/2 Weeks”, “Body Double” dhe “Flashdance”.

Fansat kanë reaguar entuziast në Instagram dhe YouTube, duke lavdëruar pamjet, veshjet dhe atmosferën retro të videoklipit.

Një përdorues shkroi: “Atmosfera e sirenës së viteve ’80 po më vret dhe jam i fiksuar pas saj.”

“Jealous Type” është kënga kryesore nga albumi i pestë i studiot të Doja Cat, Vie, i cili shënon rikthimin e saj në tinguj pop dhe ndikime nga vitet ’80 pas LP-së së saj më të ashpër, Scarlet, të vitit 2023.

Albumi pritet të publikohet më 26 shtator 2025, ndërsa detajet për kontributin e Antonoff ende mbeten të pakta.