Ish-deputeti i Partisë Demokratike, Dashnor Sula në një dalje televizive ka bërë një paralajmërim të fortë në lidhje me sistemin e drejtësisë.
Sula duke bërë një paralelizëm me vrasjen e Giovanni Falcones dhe Paolo Borsellinos në Itali, tha se dhe në Shqipëri do të vijë momenti që do të vriten gjyqtarë.
Më tej, ish-deputeti tha se madje ka pasur raste ku janë vrarë gjyqtarë dhe prokurorë dhe gjyqtarë nga politika dhe krimi i organizuar.
“Ju e dini që po të mos ishin vrarë fatkeqësisht Falcone dhe Paolo Borsellino, nuk do kishte ndryshuar edhe sistemi i drejtësisë dhe politika në Itali. Dhe sot jemi në kushte të tilla, ku larg qoftë humbja e një jetë të një prokurori apo gjyqtari, por të jeni të sigurt se edhe ai moment do të vijë. Do të vijë mo zotëri. I ka vra politika pra, krimi i organizuar. E vranë gjyqtarin e Vlorës. Kush i ka vrarë të tjerët. Kanë ndodhur edhe ngjarje të tilla të rënda, ku janë vrarë edhe prokurorë edhe gjyqtarë. Janë vrarë pra”, tha Sula.
Burimi: botasot.info
