‘Do të vdesim!’, bërtasin fëmijët – ndërsa autobusi me shpejtësi përplaset dhe bie në një lumë

Momente tronditëse janë regjistruar brenda një autobusi në Eastleigh të Anglisë, ku disa nxënës bërtisnin të tmerruar teksa mjeti me shpejtësi të lartë doli nga rruga dhe përfundoi në lumë.

Sipas dëshmive, frenat e autobusit nuk funksionuan pasi pedali i gazit u bllokua, dhe ai më parë kishte goditur një tjetër automjet.

Brenda mjetit ndodheshin nxënës të një kolegji lokal, të cilët klithnin “do të vdesim” ndërsa autobusi përshpejtonte në mënyrë të pakontrolluar.

Rreth 20 të rinj u lënduan, ndërsa pesë persona, përfshirë edhe shoferin, u dërguan në spital – dy prej tyre në gjendje serioze por jashtë rrezikut për jetën.

Një dëshmitar tha se autobusit i ishin thyer xhamat dhe brenda ndodheshin vetëm fëmijë pa asnjë të rritur tjetër përveç shoferit.

Sipas tij, ishte një mrekulli që askush nuk pësoi lëndime fatale.