Diddy përballet me kushte të rënda në burg: Ushqim i prishur dhe me krimba ndërsa pret dënimin

Sean “Diddy” Combs po kalon ditët para dënimit në një burg federal në Brooklyn dhe sipas avokatit të tij, kushtet janë “çnjerëzore”. Marc Agnifilo, në një apel për lirimin me kusht, tha se reperi po ushqehet me vakte të prishura, disa me krimba, dhe se kjo është dokumentuar me foto të bashkangjitura në dosje.

Në përpjekje për ta ndihmuar, një letër mbështetëse dërgoi edhe ish-e dashura Gina Huynh. Ajo e përshkroi Diddy-n si “baba, familjar dhe biznesmen të suksesshëm” që ka bërë përpjekje për t’u përmirësuar dhe që nuk paraqet rrezik për komunitetin.

Por, edhe pse Diddy ofroi një garanci marramendëse prej 50 milionë dollarësh, gjyqtari refuzoi për herë të dytë kërkesën për lirim me kusht. Reperi përballet me dy akuza federale dhe mund të dënohet deri në 20 vite burg.

Në sfond të gjithë kësaj drame ligjore, ekipi i tij ka tentuar edhe një lëvizje të një tjetër niveli: kontakt me administratën e Donald Trump për të kërkuar falje presidenciale. Deri tani, ish-presidenti nuk ka dhënë asnjë shenjë se do ta marrë në konsideratë.